გარდაცვალებამ ისევ შობადობას გადაასწრო - ნახევარ წელიწადში საქართველოში უფრო მეტი ადამიანი მოკვდა, ვიდრე დაიბადა.

საქსტატის საგანგაშო სტატისტიკას შალვა პაპუაშვილი გამოეხმაურა და განაცხადა, რომ გაჭირვება არაფერ შუაშია, უბრალოდ,  “ხალხი კარიერაზე ფიქრობს და გამრავლებისთვის აღარ სცალიათ.“

სამწუხაროდ, ეს სტატისტიკა ასე იქნება - კეთილდღეობა რაც უფრო გაიზრდება, დემოგრაფიული გამოწვევებიც გაიზრდება, - განაცხადა მან. 

„სამწუხაროდ, ეს სტატისტიკა ასე იქნება, კეთილდღეობა რაც უფრო გაიზრდება, დემოგრაფიული გამოწვევებიც გაიზრდება. შეხედეთ მსოფლიოს დემოგრაფიულ რუკას. ამ ხელისუფლებამ შემოიღო უფასო ბაღები, რაც „ნაციონალური მოძრაობის“ დროს ფასიანი იყო. სკოლები თავისთავად უფასო არის, უმაღლესი განათლება არის უფასო. ასევე, არის სხვა მხრივ წახალისებები. პარლამენტი ამ საკითხზე ყოველდღიურად მუშაობს, თუ რა შეიძლება გაკეთდეს. სტატისტიკას რაც შეეხება, საქართველოს სტატისტიკა გვაჩვენებს ერთ საინტერესო მოვლენას, რომ საქართველოში მესამე და მომდევნო შვილის სტატისტიკა არის სტაბილურად მაღალი. სხვათა შორის, ეს სტატისტიკა არის მას შემდეგ, რაც ჩვენმა პატრიარქმა , ილია მეორემ თავის დროზე დაიწყო მესამე და შემდეგი შვილის მონათვლის პროცესი. მას შემდეგ ეს სტატისტიკა გაიზარდა და დღემდე მაღალია. სამწუხაროდ, დაბალი სტატისტიკა არის პირველ და მეორე შვილზე, რაც აჩვენებს, რომ ან დაოჯახების რაოდენობაა ნაკლები ან წყვილები პირველ და მეორე შვილთან დაკავშირებით თავს იკავებენ ან გვიან შეეძინებათ ხოლმე. მთავარი მოტივატორი და წინაპირობა, მათ შორის დემოგრაფიული პროცესის, არის არა იმდენად სხვადასხვა ეკონომიკური თუ ფინანსური პირობებიში, არამედ ადამიანური მოტივაცია, რომ ოჯახს ჰყავდეს შვილი.

შეხედეთ მსოფლიოს დემოგრაფიულ რუკას. კეთილდღეობის ზრდასთან ერთად, სამწუხაროდ, ოჯახები თავს იკავებენ იმიტომ, რომ დაკავებული არიან ჯერ კარიერით და შემდეგ გეგმავენ. დაგეგმვის მიმართ კულტურის შემოსვლა ბავშვის გაჩენის თუ მისი გაზრდის დაგეგმარებაში გადადის. ის, რაც მანამდე სპონტანური, ემოციური იყო, რომ ბევრი შვილი ჰყოლოდათ, დღეს უფრო რაციონალურ გადაწყვეტილებებს იღებენ“, - განაცხადა პაპუაშვილმა.

• საგანგაშო დემოგრაფიული სტატისტიკა - 2026 წლის იანვარ-ივნისში საქართველოში 17 509 ბავშვი დაიბადა, ხოლო 22 224 ადამიანი გარდაიცვალა.
• საქსტატის წინასწარი მონაცემებით, წლის პირველ ნახევარში ქვეყანაში ბუნებრივმა მატების მაჩვენებელი უარყოფითია და -4 715-ს შეადგინა.