"ძლიერი საქართველოს" ერთ-ერთი ლიდერის, გრიგოლ გეგელაის განცხადებით, ბიძინა ივანიშვილი საკუთარ ძალოვნებს არ უნიშნავს და მათ მაკონტროლებლებს უნიშნავს - პოლიტიკისოსითვიოს ამის თვალსაჩინო მაგალითია ივანიშვილის პირადი დაცვის წევრის, გიორგი ბახუაშვილის დანიშვნა სუს-ის ახალი შეფის, თამაზ ბორაშვილის პირველ მოადგილედ. 

"ივანიშვილს სუს-შიც თავისი სუს-ი ჰყავს" - ამბობს გეგელია.

ბატონი ბიძინას დაცვის ერთ-ერთი თვალსაჩინო წარმომადგენელი არის კვლავაც დატოვებული, როგორც უფლებამოსილი პირი. ეს რა თქმა უნდა აჩვენებს იმას, რომ სუს-შიც ივანიშვილს ჰყავს თავისი სუს-ის. სუს-ში სუს-ი აჩვენებს ივანიშვილის მმართველობის ლოგიკას, რომ ყველა და ყველა რგოლი უნდა იყოს აყვანილი პერსონალურ კონტროლზე, და რომ ივანიშვილი არც საკუთარ ძალოვნებს არ ენდობა და მათაც უნიშნავს საკუთარ პერსონალურ კადრებს დამატებითი კონტროლისთვის", - განაცხადა გრიგოლ გეგელიამ. 

სუს-ის ახალ შეფს პირველ მოადგილედ ბიძინა ივანიშვილის ყოფილი პირადი მცველი დაუნიშნეს.

თამაზ ბორაშვილს ახლა მხოლოდ ორი მოადგილე ჰყავს - მარიამ ტაბატაძე და გიორგი ბახუაშვილი.  მამუკა მდინარაძის ახლო მეგობარი, ლაშა მაღრაძე რომელსაც სუს-ში პირველი მოადგილის თანამდებობა ეკავა, იუსტიციის სამინისტროში პაატა სალიას მოადგილედ გადაიყვანეს. 

ამ დრომდე უცნობია, რჩება თუ არა გელა გელაძის კიდევ ერთი მოადგილე ალექსანდრე მაისურაძე უწყებაში.