ირაკლი კობახიძე დელეგაციასთან ერთად, სომხეთის რესპუბლიკაში იმყოფება.  მთავრობის ადმინისტრაციის ინფორმაციით, კობახიძეს ერევნის ზვართნოცის საერთაშორისო აეროპორტში სომხეთის რესპუბლიკის ვიცე-პრემიერი მჰერ გრიგორიანი დახვდა.

მთავრობის ადმინისტრაციის  ცნობით, ირაკლი კობახიძე, სომხეთის რესპუბლიკის პრემიერ-მინისტრ ნიკოლ ფაშინიანის მიწვევით, 15-16 ოქტომბერს გაეროს ბიოლოგიური მრავალფეროვნების შესახებ კონვენციის მხარეთა მე-17 კონფერენციაში მიიღებს მონაწილეობას, რომელსაც ერევანი მასპინძლობს.

აღსანიშნავია, რომ "ქართული ოცნების" ლიდერი, გუშინ სვეტიცხოვლის საკათედრო ტაძარში არ გამოჩენილა. მედია ჰქონდა ანონსი, რომ პრემიერი სვეტიცხოვლის დღესასწაულზე 12:00 საათისთვის გამოჩნდებოდა, თუმცა დღე ისე დასრულდა, რომ ის მცხეთაში კამერებს არ დაუფიქსირებია. 

ამ ფონზე კი ცნობილი ხდება, რომ შაბათს, 17 ოქტომბერს ბიძინა ივანიშვილმა დეპუტატები საგანგებო შეკრებაზე ცენტრალურ ოფისში დაიბარა.