ევროკავშირს აღარ აქვს დიდი მანევრირების რესურსი, საქართველომ ყველა ის საკითხი ჩამოშალა და დაარღვია, რომლის საფუძველზეც ვიზალიბერალიზაცია მოგვცეს, - ამის შესახებ პოლიტიკოსმა დიმიტრი ცქიტიშვილმა ინგა გრიგოლიას “პოლიტიკურ ამბებში“ განაცადა.

მისი თქმით, რაც არ უნდა არ მოგვწონდეს ხელისუფლება და არალეგიტიმურად მიგვაჩნდეს, ქვეყნის გარეთ მაინც ისინი არიან, საქართველოს წარმომდგენლები და მათი უმოქმებოდა, დანაშაულის გამო, მთლიანად სახელმწიფო ზარალდება.

ევროკავშირს აღარ აქვს დიდი მანევრირების რესურსი, საქართველომ ყველა ის საკითხი ჩამოშალა და დაარღვია, რომლის საფუძველზეც ვიზალიბერალიზაცია მოგვცეს. მათ შორის იყო ანტიდისკრიმინაციული კანონი, ასოცირების გაერთიანების თავისუფლება, გამოხატვის თავისუფლება. ის კანონმდებლობის პაკეტი, რომელიც 2012, 13, 14 15 წლებში, რომელიც მათ შორის ქართულმა ოცნებამ მიიღო. ეს ყველაფერი უკან არის წასული და ევროკავშირის ლიდერებს, არა მხოლოდ ევროკავშირის ბიუროკრატიას, ვისაც ყველაზე მეტად აბრალებენ ხოლმე, არამედ წევრი ქვეყნების წარმომადგენლებს, მინისტრები იქნებიან, დარგობრივი მინისტრები თუ პრემიერები, მათ მანდატი არ  აქვთ გააგრძელონ და მისცენ ის პრივილეგია ევროკავშირის მოქალაქეების სახელით საქართველოს, რომელიც ამას აღარ იმსახურებს. ჩვენ რაც არ უნდა არ მოგვწონდეს ჩვენი ხელისუფლება და არალეგიტიმურად მიგვაჩნდეს, ქვეყნის გარეთ მაინც ისინი არიან, საქართველოს წარმომდგენლები და მათი უმოქმებოდა, დანაშაულის გამო, მთლიანად სახელმწიფო ზარალდება. ის, რომ ისინი აფუჭებენ სტანდარტებს და მდგომარეობას ამის გამო ვზარალდებით, - ამბობს ცქიტიშვილი.

პოლიტიკოსი არ გამორიცხავს, რომ ევოკავშირი ვიზალიბერალიზაციის გაუქმების გადაწყვეტილებას მიიღებს, რადგან მისი თქმით, ოცნება კვლავ აგრძელებს “აბსურდულ მდგომარეობას“.

ვერც დიქტატორებად შედგნენ და ვერც ავტოკრატებად, მაგრამ სამართლებრივ დონეზე აგრძელებენ და ქმნიან აბსურდის სპექტაკლებს, - ამბობს ის.