თუკი ვინმეს სანქცია დაუწესდა, დააბრალოს მისივე პოლიტიკას - გეგელიას პასუხი მოსამართლეს

16.11.26 23:37
თუკი ვინმეს სანქცია დაუწესდა, დააბრალოს მისივე პოლიტიკას - გეგელიას პასუხი მოსამართლეს

თუკი ვინმეს სანქცია დაუწესდა, დააბრალოს მისივე პოლიტიკას - ასე უპასუხა “ლელო ძლიერი საქართველოს“ წევრმა, გრიგოლ გეგელიამ მოსამართლე რევაზ ნადარიას კითხვას -  თუ მაღალი თანამდებობის პირი ამბობს, რომ ამას [სანქციებს] ჩემზე ეფექტი ვერ ექნება, მუდმივად დასანქცირების მოთხოვნა ხომ არ შეიძლება იყოს სახელმწიფოს წინააღმდეგ მიმართული?

გრიგოლ გეგელიას განაცხადებით, თანამდებობის პირების დასანქცირების მოთხოვნა ხალხის ან სახელმწიფოს წინააღმდეგ მიმართული არ ყოფილა და ეს ამ პირების მიერ გატარებული პოლიტიკის შედეგია.

„ცალსახად და კატეგორიულად არა. ჩვენი ყველა საგარეო კომუნიკაცია ყოველთვის ამბობდა, რომ უნდა დაწესდეს მიზნობრივი სანქციები, რადგან მათ [„ქართული ოცნების“ წარმომადგენლებმა] უღალატეს საქართველოს კონსტიტუციას და ქვეყნის ინტერესებს.

ის კომუნიკაცია, რაც „ლელო – ძლიერი საქართველოს“ სახელით ოფიციალურად ყოფილა წარმოებული, ყოველთვის იყო თანხვედრაში საქართველოს კანდიდატის სტატუტის მისწრაფებასთან და კონსტიტუციის 78-ე მუხლთან, არცერთი კომუნიკაცია არასოდეს არ აზარალებდა არც ქართველ ხალხს და არც ქართულ სახელმწიფოს… არასოდეს ჩვენ არ მოგვითხოვია ხალხის ან ჩვენი სახელმწიფოს დაზარალება. თუკი ვინმეს სანქცია დაუწესდა, დააბრალოს მისივე პოლიტიკას“, – განაცხადა გრიგოლ გეგელიამ.

მსგავსი სიახლეები