"ქართული ოცნება" დიდ ეროვნულ შერიგებაზე უარს ამბობს -  მეტიც მმართველი პარტია ,,ენმ"-ს ურჩევს, პოლიტიკური ველიდან საკუთარი სურვილით გავიდეს.

,,ოცნების" ერთ-ერთი ლიდერი, არჩილ თალაკვაძე, თანაგუნდელი ირაკლი კობაიძის შეხედულებას იზიარებს და აცხადებს, რომ ,,ნაცმოძრაობას" მორალური უფლება არ აქვს, პოლიტიკურ ველზე დარჩეს.

როცა პოლიტიკოსები ჩადიან დანაშაულს და კანონს უხეშად არღვევენ, მათ მორალური უფლება არა აქვთ პოლიტიკაში დარჩენის.

უკვე ბევრი წელია, საქართველოში აღარ არის პოლიტიკოსი, რომელიც ვინმეს პირობებს კარნახობს. ამიტომ მისი სიტყვები, შერიგება, უნდა გავიგოთ როგორც მცდელობა, როგორმე ხელიდან დაუსხლტეს მართლმსაჯულებას" - ამბობს თალაკვაძე.