შინაგან საქმეთა სამინისტროს მიერ განხორციელებული სპეცოპერაციის შედეგად საქართველოს მასშტაბით 10-მდე პირია დაკავებული. სპეცოპერაციის შესახებ ახალი დეტალები ხდება ცნობილი.

თბილისში, ხვედელიძის 24 ნომერში, ჩატარებული სპეცოპერაციის შედეგად დეპუტატ თემურ ჟორჟოლიანის შვილი, 30 წლის ბექა ჟორჟოლიანი, აიყვანეს. სპეცოპერაცია მედიის თანდასწრებით ჩატარდა. ოჯახის წევრები ვერ აკონკრეტებენ, რა კავშირი ჰქონდა ჟორჟოლიანს ქურდულ სამყაროსთან.

არსებული ინფორმაციით, ყველა  დაკავებული ე.წ. ქურდული სამყაროს წევრობის ბრალდებით არის დაკავებული.

არსებული ინფორმაციით, დაკავებულებს შინაგან საქმეთა სამინისტრო ქურდული სამყაროს წევრობას, იძულებას  ე.წ. ქურდული "საერთოს" შეგროვებაში და  ქურდული გარჩევების ორგანიზებას  ედავება. 

"ტვ პირველის" ინფორმაციით ბრალდებულებს ე.წ. გარჩევების დროს   სისტემატიური კავშირი საზღვარგარეთ მყოფ ე.წ. კრიმინალურ ავტორიტეტებთან ჰქონდათ.