ოპოზიციის ლიდერის, დავით ბაქრაძის, შეფასებით, ნატო-ს გენერალური მდივნის მწვავე  განცხადება საქართველოს ხელისუფლებისადმი მკაფიო და გასაგები იყო. ბაქრაძის თქმით, "ოცნება" დასავლეთს არ უსმენს, რასაც კონკრეტული შედეგები მოჰყვება. 

საჯარო მესიჯები ნატო-ს გენერალური მდივნის იყო აბსოლუტურად მკაფიო და სრულიად საკმარისი იმისთვის, რომ გამგებმა გაიგოს, თუ რა უნდა გაკეთდეს ამ ქვეყანაში ნატო-ს წევრობისთვის. ფაქტი ერთია, რომ დაპირებების არავის სჯერა, ევროკავშირმა უკვე გააჩერა დამხარების ერთი ტრანში იმიტომ, რომ არ გატარდა აუცილებელი  რეფორმები. ყველა ჩვენი მეგობარი ელოდება საქართველოს ხელისუფლებისგან არა დაპირებებს, არამედ კონკრეტულ ნაბიჯებს", - ამბობს ბაქრაძე. 

ბრიუსელში გამართულ სამიტზე ჩასულმა ირაკლი ღარიბაშვილმა ნატო-ს გენერალური მდივნისგან, იენს სტოლტენბერგისგან, მწვავე გზავნილი მიიღო. სტოლტენბერგმა "ოცნებას" სასამართლო რეფორმები და  ოპოზიციასთან  თანამშრომლობა მოსთხოვა, ასევე მოუწოდა ოპოზიციასთან თანამშრომლობისკენ პოლარიზაციის შესამცირებლად.