CRRC-ის ახალი კვლევის თანახმად, საქართველოში გამოკითხულთა 37% ფიქრობს, რომ ომზე პასუხისმგებელი პირადად ვლადიმერ პუტინია, უმრავლესობას, 43%-ს,  კი მიაჩნია, რომ უკრაინაში შეჭრაზე პასუხისმგებლობა მთლიანად რუსეთის ფედერაციას ეკისრება.

3% მიიჩნევს, რომ რუსეთის მიერ ომის დაწყება  ამერიკის შეერთებული შტატების ბრალია.  1% მიიჩნევს, რომ ომის დაწყებაზე პასუხისმგებლობა უკრაინის პრეზიდენტ, ვოლოდიმირ ზელენსკის, ეკისრება. 

საველე სამუშაოები 7-10 მარტს ჩატარდა, სატელეფონო გამოკითხვა  ნომრების შემთხვევითი გენერირების გზით მოხდა, შეირჩა 1 092 აბონენტი, ცდომილება – 2.96%, გამოპასუხების დონე – 24%.

CRRC საქართველოს ახალი კვლევა ნახეთ აქ.