საქართველოსთვის EU-ს წევრობის კანდიდატის სტატუსის მინიჭებას 78% უჭერს მხარს - კვლევა
საქართველოს მოსახლეობა კვლავაც მხარს უჭერს ქვეყნის ევროატლანტიკურ მომავალს - მოსახლეობის განწყობა CRRC-მა შეისწავლა.
კვლევის თანახმად, საქართველოში გამოკითხულთა 78% ევროკავშირის მიერ საქართველოსთვის წევრობის კანდიდატი ქვეყნის სტატუსის მინიჭებას მხარს უჭერს.
კვლევის თანახმად, უკრაინისთვის ევროკავშირის წევრობის კანდიდატი ქვეყნის სტატუსის მინიჭებას გამოკითხულთა 80% უჭერს მხარს.
CRRC-ის ახალი კვლევის თანახმდ, ევროკავშირში საქართველოს გაწევრებას 84% ემხრობა, ხოლო ნატოში – 82%.
საველე სამუშაოები 7-10 მარტს ჩატარდა, სატელეფონო გამოკითხვა ნომრების შემთხვევითი გენერირების გზით მოხდა, შეირჩა 1 092 აბონენტი, ცდომილება – 2.96%, გამოპასუხების დონე – 24%.
