"ყველაფერი გამოძიებულია, თუ კითხვები გაქვთ მიბრძანდით სტრასბურგში" - პრემიერი დეპუტატის გარდაცვალების საქმეზე
საქართველოს პრემიერ-მინისტრმა ენმ-ის წევრის, ნუგზარ ფუტკარაძის გარდაცვალების საქმის გამოძიება დასრულებულად გამოაცხადა.
ირაკლი ღარიბაშვილმა ყველა ვისაც კითხვები აქვს, სტრასბურგში გადაამისამართა:
ბატონი ხაჯიშვილის კითხვა შეეხებოდა გამოუძიებელ საქმეებს. მე არ ვიცი რა გამოუძიებელი საქმეები, ყველაფერი გამოძიებულია. თუ რამე კითხვები გაქვთ, მიმართეთ სასამართლოს ან მიბრძანდით სტრასბურგში" - თქვა პრემიერმა.
ცნობისთვის, ნუგზარ ფუტკარაძე 2021 წლის 18 ნოემბერს გარდაიცვალა. ენმ-ს განცხადებით, მათ თანაპარტიელზე ზეწოლა ხორციელდებოდა. ზეწოლის დამადასტურებელი აუდიოჩანაწერი ენმ-ს ბათუმის ორგანიზაციის ოფისში გასაჯაროვდა.