წულუკიანის უწყება 26 მაისის კონცერტის მომზადებას ბაკურ ბაკურაძის კომპანიას უკვეთს - 

ცნობილი ხდება, რომ საქართველოს კულტურის, სპორტის და ახალგაზრდობის სამინისტრომ საქართველოს დამოუკიდებლობის დღეს გასამართი ღონისძიებებისთვის 891 191 ლარის ოდენობის გამარტივებული შესყიდვა გამოაცხადა.

სამინისტრო (გამარტივებული შესყიდვით) სამ მომსახურებას ყიდულობს:

• "ქ. თბილისში, გალაკონცერტის უზრუნველყოფისთვის საჭირო მომსახურების სახელმწიფო შესყიდვები;
• ქ. თბილისის კონცერტის სატელევიზიო ეთერით უზრუნველყოფისთვის საჭირო მომსახურების სახელმწიფო შესყიდვები;
• ქ. თბილისში, შოთა რუსთაველის გამზირზე სპორტული სივრცის მოსაწყობად საჭირო მომსახურების სახელმწიფო შესყიდვები".

ოფიციალური დოკუმენტებით, სამინისტრო შპს არტ ლაბორატორიას  499 456 ლარს უხდის, რომლის დირექტორიც ბაკურ ბაკურაძეა.