ცნობა იმის შესახებ, რომ ერთ-ერთი სკოლის ტერიტორიაზე იარაღი იქნა აღმოჩენილი ყალბია - ამის შესახებ "პირველებს" სახელმწიფო უსაფრთხოების სამსახურის პრესსამსახურში განუცხადეს. 

უწყებაში tvpirvei.ge-ს უთხრეს, რომ “ტელეგრამში“ ერთ-ერთ არხზე ტერორიზმთან დაკავშირებული ინფორმაციის გავრცელებასთან დაკავშირებით შესაბამისი სამსახურები პროტოკოლით გათვალისწინებულ ღონისძიებებს ატარებენ.

 „შესაბამისი სამსახურები ახორციელებენ პროტოკოლით გათვალისწინებულ ყველა გადაუდებელ და საჭირო ღონისძიებას” - ამბობენ უწყებაში.

სოციალურ ქსელებში ინფორმაცია, რომ თბილისის რამდენიმე სკოლაში „ტერორისტული თავდასხმა“ იგეგმება, რამდენიმე საათის წინ, ტელეგრამ არხებზე რუსულ ენაზე გავრცელდა.