სწორედ „ქართული ოცნებაა“ ომის პარტია - არა რუსულ ხელისუფლებას საქართველოში! - ამის შესახებ „ლელოს“ ლიდერი მამუკა ხაზარაძე სოციალურ ქსელში წერს და ამბობს, რომ საშიში კანონის მიღება მხოლოდ ოკუპანტი ქვეყნის ინტერსში შედის, რომლის მიზანი ევროინტეგრაციის გზის დაზიანებაა.

„როცა ისეთ კანონს იღებ, რომელიც იწვევს არეულობას, რომელიც აპირისპირებს საზოგადოებას, რომელიც არის მხოლოდ ოკუპანტი ქვეყნის ინტერესში, რომელიც გიკეტავს გზას ევროინტეგრაციისკენ, რომელიც ცვლის კონსტიტუციას, შედეგად იღებ არეულობას, დაპირისპირებას და ბოლოს ომს, სწორედ "ქართული ოცნებაა" ომის პარტია. მხოლოდ ამ მეთოდით უნდათ შეინარჩუნონ ძალაუფლება! არა „რუსულ ოცნებას“, არა რუსულ ხელისუფლებას საქართველოში!" - წერს ხაზარაძე.