თბილისის მერი კახა კალაძე ამტკიცებს, რომ გუშინდელ აქციზე შინაგან საქმეთა სამინისტროს მშვიდობიანი მომიტინგეების წინააღმდეგ რეზინის ტყვიები არ გამოუყენებია.

მისივე თქმით, აქციაზე იყო ისეთი ნივთები, რომლებიც საქართველოში არ იყიდება და საიდანაა შემოტანილი, ეს უნდა დადგინდეს.

„ტყუილია! მატყუარა ტელევიზია ხართ. ამასთან დაკავშირებით შინაგან საქმეთა სამინისტროს მხრიდან განცხადება გაკეთდა. სრული პასუხისმგებლობით ვაცხადებ, რომ არცერთი რეზინის ტყვია არ გამოყენებულა, თუმცა თუ ამის აუცილებლობა იქნებოდა, შესაბამისი განცხადებაც გაკეთდებოდა. რაც შეეხება აქციაზე მოქალაქეთა დაშავების ფაქტებს, შსს-მ უკვე დაიწყო მოკვლევა. აქციაზე იყო ისეთი ნივთები, რომლებიც საქართველოში არ იყიდება. დასადგენია, საიდანაა ისინი შემოტანილი. ყველაფერი ცხადი გახდება და ყველა დამნაშავე პასუხს აგებს. ისიც გაირკვევა, ეს ადამიანები საიდან და როგორ დაშავდნენ“, - განაცხადა კახა კალაძემ.