ჩვენი ინფორმაციით, დღეს კანცელარიაში დაბარებული ჰყავთ ბიზნესმენები, მოსთხოვენ ნათესავებმა და მათმა თანამშრომლებმა აქციებზე არ იარონ - ამის შესახებ "ერთიანი ნაციონალური მოძრაობის" თავმჯდომარემ, ლევან ხაბეიშვილმა საგანეგბო ბრიფინგზე განაცხადა.

ხაბეიშვილი ბიზნესმენებს მიმართავს და ამბობს, რომ დღეს არის გადამწყვეტი დრო, როცა მათ მარტივი არჩევანი უნდა გააკეთონ ივანიშვილსა და საქართველოს შორის.

პირველ რიგში უპირობო მხარდაჭერა მინდ გამოვუცხადო ყველა უკანონოდ დაკავებულს, ვინც საქართველო ევროპული მომავლისთვის იბრძვის. ასევე, მინდა სოლიდარობა გამოვუცხადო ყველას, ვისაც ფაქტობრივად ოჯახებში, სახლებში უვარდებიან და ფიზიკურად უსწორდებიან, როგორც მათ სჩვევიათ ლაჩრულად, მალულად, მიპარვით. ასევე არ შემიძლია არ გამოვეხმაურო ტვ პირველთან განვითარებულ მოვლენებს, როდესაც ფაქტობრივად აღიარებს სისტემა, რომ არ არსებობს არანაირი სამართალდამცავი ორგანო, არ არსებობს არანაირი პოლიცია ა ეს ყველაფერი ცხადია გომელაურის, ხარაზიშვილის, ივანიშვილის დავალებით ხდება. 

ძალიან მნიშვნელოვანია საზოგადოებას ესმოდეს, რომ ეს კანონი ხალხზე ზრუნვის სახელით შემოაქვთ. ხალხს რომ სჭირდება ამიტომ დასდევენ ქუჩებში ადამიანებს, უვარდებიან სახლში, სცემენ ახალგაზრდებს, ურეკავენ პენსიონერებს, დედებს, მშობლებს, არასრულწლოვან შვილებს და აგინებენ. ეს ყველაფერი თურმე ყოფილა ხალხზე ზრუნვა, ასე გვეუბნება ივანიშვილი. 

დღეს ჩვენი ინფორმაციით დაახლოებით 4-5 საათისთვის კანცელარიაში დაბარებული ჰყავთ ბიზნესმენები. ეს ბიზნესმენები დაიბარეს იმიტომ, რომ ვისაც ჯერ არ გამოუხატავთ მხარდაჭერა, აიძულონ დაიცვან რუსული კანონი, მხარი დაუჭირონ და უარი თქვან ევროპაზე. შესაბამისად, გვაქვს ინფორმაცია, რომ ამ ბიზნესმენებს მოსთხოვენ და დაავალებენ, რომ მათი ოჯახის წევრები, შვილები, მეუღლეები, დები, ძმები, რომლებიც აქტიურად დადიან რუსული კანონის საწინააღმდეგო აქციაზე, აღარ იარონ. წინააღმდეგ შემთხვევაში მათ შეექმნებათ პრობლემები და ასევე, ამ ბიზნესმენებს დღეს აპირებენ მოსთხოვონ, რომ მათ დაქვემდებარებაში მყოფი თანამშრომლები და საქართველოს მოქალაქეები, რომლებიც დადიან რუსული კანონის საწინააღმდეგო აქციაზე, უნდათ რომ ამ ბიზნესმენებს უთხრან აიძულონ მისის თანამშრომლები, რომ არავინ აქციაზე არ წავიდნენ. მე მინდა მივმართო ყველა იმ ბიზნესმენს, რომლებიც დღეს იქნებიან შეხვედრაზე- უნდა გესმოდეთ, რომ საქართველოს ეკონომიკა დგას დასავლეთზე, თქვენი ბიზნესების უდიდესი ნაწილი პირდაპირ დაკავშირებულია დასავლეთზე და უნდა გესმოდეთ, რომ დღეს რის გადამწყვეტი მომენტი, როცა თქვენ მარტივი რჩევანი უნდა გააკეთოთ ივანიშვილსა და საქართველოს შორის, რუსულ კანონსა და ევროპას შორის. ამიტომ, მე ყველა ბიზნესმენს მოვუწოდებ - ნუ გაყიდით საქართველოს რამდენიმე დღის გამო, რადგან დარწმუნებული უნდა იყოთ, რომ საქართველოს მომავალი არის ევროპაში, ქართველი ხალხი აუცილებლად გაიმარჯვებს და იმ კანონს, რომელსაც თავს გვახვევენ, აუცილებლად მალე დაავიწყდება საქართველოს ყველა მოქალაქეს, რადგან არც ეს კანონი იქნება და არც ეს რუსული რეჟიმი.“ - განაცხადა ლევან ხაბეიშვილმა