სისხლიანი გარჩევა თბილისში - თერგის ბაზრობის ტერიტორიაზე ერთი პირი დაჭრეს.

დაპირისპირება ბაზრის ტერიტორიაზე ათობით თვითმხილველის თვალწინ მოხდა. თვითმხილველების თქმით, დაჭრას წინ ხელჩათული ჩხუბი უძღოდა. 

მათივე თქმით, დაკავებულს ფიზიკურად რამდენიმე ადამიანი გაუსწორდა, მან კი ერთ-ერთ პირს დანა ჩაარტყა და გაიქცა. 

პოლიციამ ბრალდებული უკვე დააკავა. 

როგორც TVPIRVELI.GE-ს  შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 19/108-ე მუხლით მიმდინარეობს, რაც განზრახ მკვლელობის მცდელობას გულისხმობს.