"ოცნება" დაუკრეფავშია გასული" - ასე ეხმაურება პარტია "ხალხისთვის" ლიდერი ანა დოლიძე შალვა პაპუაშვილის გუშნდელ განცხადებას.

დოლიძე ამბობს, რომ მმართველი გუნდი ძალადობას ახალისებს. 

"ქართული ოცნების" ხელმძღვანელობა ახალისებს ძალადობას. ის გასულია დაუკრეფავში. ყველა ფასად ხელისუფლებსი შენარჩუნება - ეს განცხადებები ამის მანიშნებელია. ისინი არიან პანიკაში. ეცდებიან, რომ ე.წ. ზონდერ-ბრიგადების მეშვეობით ჩაახშორონ ხალხში წინააღმდეგობა. ვერავითარი დაშინება, ე.წ. ზონდერ-ბრიგადები და დაქირავებული ხალხი ვერ აჯობებს ქართველი ხალხის სულისკვეთებას, შეინარჩუნოს და გადაარჩინოს საქართველოს დამოუკიდებლობა", - ამბობს ანა დოლიძე. 

ცნობისთვის, პარლამენტის თავმჯდომარე, შალვა პაპუაშვილმა გუშინ განაცხადა, რომ ოპოზიცია, რომელ ქალაქშიც, რომელ სოფელშიც და რომელ უბანშიც არ უნდა მივიდეს, ყველგან პასუხის მოსთხოვენ.