ოპოზიციური კოალიცია "ძლიერი საქართველოს” ლიდერებმა ანა დოლიძემ, გრიგოლ გეგელიამ და გიორგი შაიშმელაშვილმა ადგილობრივ ლიდერებთან, ლევან ბელქანიასთან და გუგა დარსალიასთან ერთად წალენჯიხის და ჩხოროწყუს მოსახლეობას ახალი გაერთიანების მიზნებსა და გეგმებზე ინფორმაცია მიაწოდეს.

"ძლიერი საქართველოს", როგორც დიდი პოლიტიკური გაერთიანების მიზანია რუსული ხელისუფლებისგან საქართველოს დეოკუპაცია და რეფორმები კეთილდღეობისთვის, მათ შორის 1000-ლარიანი პენსია, 200 000 ახალი სამუშაო ადგილი, ანაზღაურებადი სტაჟიტება კურსდამთავრებულთათვის, ღირსეული სამუშაო პირობები და საათობრივი ანაზღაურება.