სენატორი ჯინ შაჰინი და კონგრესმენი მაიკ ტერნერი საქართველოში ვიზიტს პრეზიდენტთან შეხვედრით იწყებენ - ამერიკელი პოლიტიკოსები სალომე ზურაბიშვილს დღეს, 9 აგვისტოს, 5 საათზე, ორბელიანების სასახლეში შეხვდებიან.

ამასთან, ბაიდენის გუნდის წარმომადგენლები დღეს საქართველოს პრემიერ-მინისტრს, ირაკლი კობახიძესაც შეხვდებიან. ახლა მთავარი კითხვაა, რა გზავნილებით ჩამოვლენ ჯინ შაჰინი და მაიკ ტერნერი საქართველოში. 

ცნობისთვის, სენატორი ჯინ შაჰინი და კონგრესმენი მაიკ ტერნერი საქართველოს ოფიციალური ვიზიტით დღეს ეწვევიან - ამის შესახებ ინფორმაციას საქართველოში ამერიკის შეერთებული შტატების საელჩო ავრცელებს. 

დიპლომატიური უწყება წერს, რომ დასავლელი პოლიტიკოსები შეხვედრას მთავრობის წევრებთან, სამოქალაქო საზოგადოებასთან და პოლიტიკური პარტიების წარმომადგენლებთან გამართავენ.