საქართველოს მესამე პრეზიდენტი, მიხეილ სააკაშვილი კოალიცია „ცვლილებებისთვის” ერთ-ერთ ლიდერზე, ნიკა მელიაზე თავდასხმას ეხმაურება და წერს, რომ  ივანიშვილი აპირებს ყველას გადაუჯოკროს და “ზუსტად ამას აკეთებდნენ შევარდნაძე, მამალაძე და ასლან აბაშიძე 2003-ში.“

როგორც მან აღნიშნა, ივანიშვილის გეგმაა სამოქალაქო დაპირისპირების იმიტაცია.

რა უბადრუკი და სამარცხვინო თავდასხმა იყო, „პოსტ ტვს“ თანხლებით, ნიკა მელიაზე. ზუსტად ამას აკეთებდნენ შევარდნაძე, მამალაძე და ასლან აბაშიძე 2003-ში. ივანიშვილი აპირებს ყველას გადაუჯოკროს. ჩვენ კი მეტად ორგანიზებული და ერთიანი უნდა ვიყოთ ვიდრე ოდესმე, არჩევნებამდეც და არჩევნების შემდეგაც. ივანიშვილის გეგმაა სამოქალაქო დაპირისპირების იმიტაცია, არ უნდა გავაკეთებინოთ“,- წერს სააკაშვილი.

ცნობისთვის, სამტრედიაში, ნიკა მელიას, მაშინ როდესაც ის მედიასთან კომენტარს აკეთებდა, თავს დაესხნენ და ფიზიკური და სიტყვიერი შეურაცხყოფა მიაყენეს.