„ახალი პოლიტიკური პარტია, რომელიც მე და ჩემმა თანამებრძოლებმა და თანამოაზრეებმა ხალხის დაკვეთით და ხალხისთვის შევქმენით“ - სამოქალაქო აქტივისტმა, დავით ქაცარავამ პოლიტიკური პარტია შექმნა. 

როგორც ქაცარავა სოცალურ ქსელში წერს,  ახალი პოლიტიკური ძალა აერთიანებს სამოქალაქო აქტივისტებს

ხალხი მზად არის, რომ ხელისუფლება შეცვალოს, მაგრამ მუდმივად ისმის კითხვა - „ესენი არ მოგვწონს, მაგრამ ვინ?!“
ვინ და, - ჩვენ!
„ჩვენ“ არის ახალი პოლიტიკური პარტია, რომელიც მე და ჩემმა თანამებრძოლებმა და თანამოაზრეებმა ხალხის დაკვეთით და ხალხისთვის შევქმენით!
ჩვენ ვიცით, რომ ძალა ერთობაშია და ამიტომაც, ჩვენი კარი ყველასთვის ღიაა!
ჩვენ გელოდებით ყველას, ვინც თვლის, რომ ბრძოლას ყოველთვის აქვს აზრი და 26 ოქტომბერს ჩვენი გამარჯვება გარდაუვალია!
ჩვენ ვიბრძვით ჩვენი საერთო გამარჯვებისთვის!
„ჩვენ“ ის პოლიტიკური ძალაა, რომელიც თავისი საქმის პროფესიონალებსა და იმ სამოქალაქო აქტივისტებს აერთიანებს, რომლებსაც ქვეყნის კეთილდღეობისთვის ბრძოლაში უკან არასოდეს დაუხევიათ!
მოკლედ, ჩვენ დავიწყეთ!- განაცხადა დავით ქაცარავამ.