პოლიტიკური გაერთიანება კოალიცია "ცვლილებისთვის" - გვარამია, მელია, გირჩი, დროას“ ლანჩხუთის ოფისი გაიხსნა.

ლანჩხუთში ჩასულმა ოპოზიციის ლიდერებმა შეხვედრები გამართეს ადგილობრივ მოსახლეობასთანაც. 

როგორც კოალიციის ერთ-ერთმა ლიდერმა, ნიკა მელიამ აღნიშნა, ლანჩხუთში იგრძნობა, რომ ხალხისგან არის დაცლილი, სიღარიბეა, "ეს უნდა შეიცვალოს 26 ოქტომბერს და სახელმწიფო ხალხს დაუბრუნდეს".

ქალაქში იგრძნობა, რომ ხალხისგან არის დაცლილი, სიღარიბეა. ეს არის ტრაგედია, რომელიც უნდა დასრულდეს 26 ოქტომბერს და სახელმწიფო ხალხს უნდა დაუბრუნდეს. რეგიონს არ უნდა ჰყავდეს ფეოდალები, რომლებიც მდიდრდებიან, ლანჩხუთელებს კი აქვთ ნაკლები სარგებელი. თავად ადგილობრივი ლანჩხუთელი უნდა წყვეტდეს მისი ქალაქის პრობლემას. ჩვენ ვართ კოალიცია 4 ნომრით, რომელიც თქვენთან ერთად შეძლებს გადაჭრას პრობლემები და ერთად დავუახლოვდეთ ევროკავშირს, ევროკავშირი, რომელიც ნიშნავს მშვიდობას, სიკეთესა და თითოეული კუთხის ეკონომიკურ განვითარებას”. - განაცხადა მელიამ.