პანკისის სპეცოპერაციისას მოკლული თემირლან მაჩალიკაშვილის მამა, მალხაზ მაჩალიკაშვილი განხორციელებული ზეწოლის  ფაქტებზე საუბრობს. მაჩალიკაშვილის თქმით, ხეობაში ხალხი დააშინეს. მაჩალიკაშვილმა ამის შესახებ ტვ პირველზე, ინგა გრიგოლიას "დღის ამბებში" ისაუბრა.

ბოლოს მითხრეს, ხეობაში ქისტებს, შენს კარებზე დამკაკუნებელს არ დაგიტოვებთო და ასეც მოხდა. ზუსტად ასეც მოხდა, მე მართლა  მარტო ვარ დარჩენილი. ყველა დააშინეს, ზოგი მოისყიდეს და ზოგი დააშანტაჟეს. ეს სტრატეგია აქვს დღევანდელ ხელისუფლებას, ამათ სხვა არაფრის კეთება არ შეუძლიათ. როგორც მოვიდნენ ტყუილებით, ასე გადიან ფონს ტყუილებით - ეს არის ამათი სტრატეგია და ამათი მეთოდი. ეს არის ჩვენი საზოგადოების გარეთ არგამოსვლის მიზეზი", - თქვა მაჩალიკაშვილმა.