ცაგერის მუნიციპალიტეტის ყოფილი მერი, ლევან ზალკალიანი იმერეთში სახელმწიფო რწმუნებულად დაინიშნა. ამის შესახებ ინფორმაციას მთავრობის ადმინისტრაცია ავრცელებს.

ახალ რწმუნებულს საქართველოს პრემიერ-მინისტრი ირაკლი კობახიძე უკვე შეხვდა.

ლევან ზალკალიანი ამ დრომდე ცაგერის მუნიციპალიტეტის მერის პოზიციას იკავებდა. ასევე, იყო რაჭა-ლეჩხუმსა და ქვემო სვანეთში სახელმწიფო რწმუნებულის მოადგილე.

სხვადასხვა დროს მუშაობდა პროკურატურის სისტემაში გამომძიებლად და პროკურორად, მათ შორის 11 წლის განმავლობაში - ამბროლაურის რაიონულ პროკურორად. მინიჭებული აქვს იუსტიციის უფროსი მრჩევლის წოდება“,- ვკითხულობთ  ინფორმაციაში.