ოლიგარქს ეკლესიის დამორჩილების გეგმა ჩაუვარდა. ივანიშვილის  ჩანაფიქრი საპატრიარქომ მარტივად გაშიფრა. ეკლესია სახელმწიფოს დაქვემდებარებაში არ იქნება - ეს პასუხი მიიღო დღეს ხელისუფლებამ. ივანიშვილის ემისრის არაფორმალურ შეთავაზებაში საპატრიარქომ დამოუკიდებლობის დაკარგვის საფრთხე დაინახა. “ოცნების“ რეალური ჩანაფიქრი მეუფე ზენონმა განმარტა - ეკლესიის ინსტიტუციური განადგურება, რომლის უკანაც შესაძლოა, მტრული სახელმწიფოს სპეცსამსახურები იდგნენ.

მართლმადიდებლობის სახელმწიფო რელიგიად გამოცხადება - ეს წინადადება საპატრიარქოსთვის იმდენად საგანგაშო აღმოჩნდა, რომ სასწრაფოდ მღვდელმთავრების შეკრება ჩაინიშნა. პასუხმაც არ დააყოვნა - ივანიშვილის გუნდის შეთავაზება  ეკლესიის წინააღმდეგ მიმართულ საფრთხედ აღიქვეს და მთავრობას საჯარო უარი შეუთვალეს. ოფიციალურ პოზიციას საპატრიარქო ხვალ დააფიქსირებს, როდესაც წმინდა სინოდის წევრები საგანგებოდ შეიკრიბებიან.

დეტალები, ნინო ღვედაშვილის რეპორტაჟში.