იუსტიციის მინისტრის პირველმა მოადგილემ, თამარ ტყეშელაშვილმა საკონსტიტუციო სასამართლოში, სადაც რუსული კანონის წინააღმდეგ სარჩელს განიხილავენ, საზოგადოება არასწორი ინფორმაციის გავრცელებასა და რიცხვებით მანიპულაციაში დაადანაშაულა და აღნიშნა, რომ ტყუილია, თითქოს, მხოლოდ 1 % ემორჩილება ამ კანონს.

ტყეშელაშვილის მტკიცებით, პირიქით, მხოლოდ 1 % -ია ის, ვინც არ ემორჩილება და დანარჩენ ყველას მოსწონს რუსული კანონი.

233 იყო დილას, ახლა არის 322. მე ძალიან ხაზგასმით მინდა ვთქვა, საზოგადოების შეცდომაში შემყვანი ინფორმაცია რომ ვრცელდება, თითქოს, კანონს 1% ემორჩილება, ამ ინფორმაციის გამავრცელებლების საპასუხოდ უნდა ვთქვა, რომ მათივე ლოგიკით, მათივე მათემატიკით, პირიქით, კანონისმიერი მოთხოვნისადმი დაუმორჩილებლობას აცხადებს 1%-ზე ნაკლები და ამაზე რიცხვებით მანიპულაცია, შიშებზე და სხვადასხვა თემებზე საუბარი შევწყვიტოთ", - ამბობს თამარ ტყეშელაშვილი.

იუსტიციის მინისტრის მოადგილე, თამარ ტყეშელაშვილი ამტკიცებს, რომ უცხოური ძალის ინტერესების გამტარებელ ორგანიზაციათა რეესტრში დასარეგისტრირებლად საჯარო რეესტრს 233-მა ორგანიზაციამ მიმართა. ამის შესახებ მან საკონსტიტუციო სასამართლოში თქვა, სადაც რუსულ კანონზე საჩივრების განხილვა მიმდინარეობს.