ბათუმში, საკონსტიტუციო სასამართლოს პლენუმმა რუსული კანონის საქმეზე მორიგი განმწესრიგებელი სხდომა დაასრულა. როგორც თავმჯდომარემ, მერაბ ტურავამ განმარტა, პროცესი შაბათს, 31 აგვისტოს, 11:00 საათზე განახლდება. ტურავას თქმით, ეს იქნება ბოლო განმწესრიგებელი სხდომა, რის შემდეგაც არსებითი განხილვა დაიწყება.

122 მოსარჩელე არასამთავრობო და მედიაორგანიზაციის წინადადებით, 31 აგვისტოს პროცესზე ენათმეცნიერ მარინე ბერიძეს მოუსმენენ და მხარეები უპასუხებენ მოსამართლეების შეკითხვებს.

30 აგვისტოს, პროცესის მეორე დღეს სხდომაზე იუსტიციის სამინისტროს წარმომადგენლებს მოუსმინეს, რომლებიც სხდომაზე საკონსტიტუციო სასამართლომ მიიწვია.