გაოცებული ვარ, რომ ტერმინი „გლობალური ომის პარტია“ აშშ-ს მიემართება, - ამის შესახებ აშშ-ის სახელმწიფო მდივნის ყოფილმა თანაშემწემ თბილისში საერთაშორისო კონფერენციაზე სიტყვით გამოსვლისას ისაუბრა.

დიპლომატმა პირდაპირ თქვა, რომ გლობალური ომის პარტიის შტაბბინა მოსკოვშია, რადგან საქართველოს ტერიტორიების 20% სწორედ რუსეთს აქვს ოკუპირებული.

ხელისუფლებამ უნდა ასახოს ქართველი ხალხის მისწრაფებები. მე გაოცებული ვარ, რომ ტერმინი „გლობალური ომის პარტია“ აშშ-ს მიემართება. არავის უნდა, ომი უკრაინის იქით გავრცელდეს. ამერიკას არ უნდა საქართველოს ომში ჩათრევა. ნამდვილი ომის პარტიის შტაბბინა არის მოსკოვში, რადგან თქვენი ქვეყნის 20% მას აქვს ოკუპირებული და არა აშშ-ს. ამიტომაც ეს წელი, 2024 წელი საქართველოსთვის გარდამტეხი იქნება, - განაცხადა კრამერმა. 

"გარდამტეხი წელი" - თბილისში ამ წუთებში საერთაშორისო კონფერენცია იმართება. ღონისძიება საქართველოში უკვე მე-8 წელია ტარდება, წელს კი ის განსაკუთღებულად წარმომადგენლობითია. არჩევნების წინ თბილისში მოქმედი და ყოფილი ევროპარლამენტარები და სხვა მაღალჩინოსნები ჩამოვიდნენ.