არჩევნების გაყალბების შემთხვევაში ოლიგარქის გუნდს ლუკაშენკოს მთავრობის ბედის გაზიარება ელოდება - მძიმე პოლიტიკურ მომავალს "ოცნებას" ევროპელი და ამერიკელი პოლიტიკოსები უანონსებენ. არჩევნებამდე ორი თვით ადრე თბილისში იმის სათქმელად ჩამოვიდნენ, რომ გააფრთხილონ ხელისუფლება, არ მიიტაცოს ქართველი ხალხის ხმები, რადგან პასუხი უმკაცრესი იქნება - სრული იზოლაცია, რომლის პრეცენდენტიც ბელარუსში იყო.

რასაც "ოცნებას" ევროპიდან და ამერიკიდან ამ დრომდე ეუბნებოდნენ, დღეს თბილისიდან უთხრეს. ვიდრე საქართველო პროგრესს არ აჩვენებს, ევროკავშირში გაწევრიანებაზე მოლაპარაკებების მცირე შანსიც კი არ არსებობს - ეს  საქართველოში  ჩამოსული გავლენიანი  პოლიტიკოსების გზავნილია. უკვე აღარავის ეჭვი არ ეპარება, რომ ქართველი ხალხის სურვილს, გახდეს ქვეყანა ევროპული ოჯახის წევრი, საქართველოს ხელისუფლება რუსული სტილით ებრძვის.

რა ბერკეტებს აამოქმედებს დასავლეთი "ოცნების" დასასჯელად? - ინა ცარციძე აგრძელებს საუბარს.