ცხადია, რომ აფხაზეთში მიმდინარე მოვლენებთან დაკავშირებით "ოცნებას" პოზიცია არ აქვს, - ასე აფასებს "ერთიანობის" ერთ-ერთი ლიდერი თამარ კორძაია ხელისუფლების დუმილს რუსეთის მორი მუქარაზე. 

ოპოზიციის წევრის თქმით, "ოცნების" დუმილით რუსეთი რწმუნდება, რომ ყველაფრის უფლება აქვს, მათ შორის, საქართველოს მასშტაბით.

ძალიან ნათელია ერთი რამ: პოზიცია აფხაზეთში მიმდინარე მოვლენებთან დაკავშირებით საქართველოს ხელისუფლებას არ აქვს. ეს იმას ნიშნავს, რომ ის ხედავს, რომ რუსეთისთვის ყველაფერი მისაღები და დასაშვებია არა თუ აფხაზეთის, არამედ საქართველოს მასშტაბითაც კი, - ამბობს კორძაია.

პუტინის რეჟიმი ოკუპირებული აფხახეთისა და ცხინვალის რეგიონის მიერთებაზე ალაპარაკდა. გამოცემა "ნიუს რუ"-თვის მიცემულ ინტერვიუში ვიქტორ ვოდოლაცკიმ განაცხადა, რომ ეს საკითხი რეფერენდუმის გზით უნდა გადაწყდეს.  ამ ფონზე კი საქართველოს ხელისუფლება ისევ დუმილის რეჟიმშია.