მოსყიდვის მასშტაბური სქემა - რაში სჭირდება ივანიშვილს არასამთავრობოების ბიუჯეტიდან დაფინანსება
"ქართული ოცნების" დაანონსებული მოსყიდვის ყველაზე მასშტაბური გეგმა - 200 მილიონი ბიუჯეტიდან არასამთავრობოების დაფინანსებაზე დაიხარჯება და ეს ჯერ მხოლოდ დასაწყისია. დააფინანსებენ მორჩილ ორგანიზაციებს და თანხა ეტაპობრივად გაიზრდება. ეს იმ ფონზე, როცა ფული ამ ქვეყანაში ყველაზე გაჭირვებული ადამიანების, მათ შორის შიმშილის ზღვარზე მყოფი ბავშვების დასახმარებლად საკმარისი არასდროს არის.
არასამთავრობოების გასამთავროების სპეცოპერაცია დღეს პრემიერმა დააანონსა. ირაკლი კობახიძემ იმ ორგანიზაციების დაფინანსება გადაწყვიტა, ვინც რუსული თამაშში ხელისუფლებას ბოლომდე გაჰყვება. მორჩილებისთვის მთავრობა მზად არის, კოლოსალური თანხა დახარჯოს. ე. წ ურჩი ორგანიზაციების გასაჩუმებლად კი რეპრესიებს აამოქმედებენ.
