"რა იცის სალომე ზურაბიშვილმა, რეალობას მოწყვეტილია, ამ ქვეყანაზე არ არის" - ასეთი შეფასება მოჰყვა "ქართულ ოცნებაში" პრეზიდენტის უმწვავეს გზავნილებს, რომელიც სალომე ზურაბიშვილმა ფრანგულ Figaro-სთან ინტერვიუში გააჟღერა. 

საუბარია ზურაბიშვილის განცხადებაზე, სადაც საქართველოს მეხუთე პრეზიდენტმა თქვა, რომ ივანიშვილის პარტია გაზაფხულის საპროტესტო აქციების შემდეგ დასუსტებულია და გამოკითხვების მიხედვით, 25%-ზე მეტს ვერ იღებენ.

დედაქალაქის მერს დღეს პრეზიდენტის იმ განცხადების შეფასება სთხოვეს, სადაც სალომე ზურაბიშვილი ამბობს, რომ  ქვეყნის მომავალი სტაბილურობა 26 ოქტომბერს პროდასავლური ოპოზიციის აშკარა გამარჯვებაზე გადის.

„დაიმახსოვრეთ დღევანდელი ჩამი ვიდეო-ჩართვა. „ქართული ოცნება“ გაიმარჯვებს დამაჯერებლად, არანაირი კოალიციის საჭიროება არ იქნება. ეს არის გუნდი, რომელსაც აქვს რეალური შესაძლებლობა, მიიღოს საკონსტიტუციო უმრავლესობა“, - განაცხადა კალაძემ.

ცნობისთვის, Figaro-სთან ინტერვიუში სალომე ზურაბიშვილი არ გამორიცხავს, რომ მანდატის ამოწურვის შემდეგ, მეორე ვადით იყაროს კენჭი.