ირაკლი კობახიძე საქართველოს პრეზიდენტს პოლიტიკურ წონას უწუნებს - ქვეყნის პრემიერი ამტკიცებს, რომ "სალომე ზურაბიშვილთან დებატებს არავითარი ფასი არ გააჩნია".

"ქართული ოცნების" წარმომადგენელი სალომე ზურაბიშვილის "ნაციონალური მოძრაობის" პრეზიდენტად აცხადებს და ირწმუნება, რომ "ზურაბიშვილი მეორედ "ნაცმოძრაობის" პრეზიდენტი ვეღარ გახდება".

არავითარ პრობლემას არ ვხედავ დებატებში, პირიქით, ისინი გაურბიან დებატებს. რაც შეეხება სალომე ზურაბიშვილს, მასთან დებატებს არავითარი ფასი, სირთულე არ აქვს. დებატები უნდა იყოს რთული მაინც, რომ დებატები ღირდეს.

ჩვენი მხადაჭერა არის დაახლოებით 60%. ამ პირობებში ვხედავთ, რომ სალომე ზურაბიშვილს არავითარი შანსი არ აქვს. მთელს ოპოზიციას, რომელიც დღეს ლახავს ბარიერს, აქვს 20%-მდე. ზურაბიშვილი "ნაცმოძრაობამ" დატოვა პრეზიდენტის პოსტზე მას შემდეგ, რაც მან კონსტიტუცია დაარღვია, მაგრამ მეორედ ნაცმოძრაობის პრეზიდენტი ვერ გახდება", - ამბობს კობახიძე.