"არავითარი კრიზისი ჩვენს ქვეყანაში არ იქნება, რადგან სახელმწიფო მოწოდების სიმაღლეზე დგას" - ამის შესახებ ირაკლი კობახიძემ მედიასთან საუბრის დროს განაცხადა.

საქართველოს პრემიერ-მინისტრის თქმით, "სცენარი, რომელიც ქვეყანამ 2020 წლის საპარლამენტო არჩევნების შემდეგ გამოიარა, წარუმატებლობისთვის ახლაც განწირულია".

არავითარი კრიზისი ჩვენს ქვეყანაში არ იქნება. თქვენ ხედავთ, რომ სახელმწიფო დგას თავის ადგილზე, მოწოდების სიმაღლეზე, მათ შორის სამართალდამცველი უწყებები დგანან მოწოდების სიმაღლეზე, ეს დაინახა ქართულმა საზოგადოებამ, მათ შორის ამ ბოლო თვეების განმავლობაში. შესაბამისად, ვერავინ შექმნის ვერავითარ კრიზისს, თუ ვინმეს უნდა გაიმეოროს საქართველოში ის სცენარი, რომელიც უკვე გამოვიარეთ 2020 წლის საპარლამენტო არჩევნების შემდეგ, ეს მცდელობაც აბსოლუტურად განწირულია წარუმატებლობისთვის, ერთ მდინარეში ორჯერ ვერ შეხვალ, შესაბამისად თუ ვინმეს ასეთი აზრები აქვს, ვურჩევ ყველას, რომ ასეთ აზრები გვერდზე გადადოს“, - განაცხადა ირაკლი კობახიძემ.