ვისურვებდი, რომ ასეთივე განწყობით, შემართებით და ასეთივე სიახლის მოსურნე ხალხი დარჩენილიყოს მთელ საქართველოში. მათთან ერთად ჩვენ გამარჯვებას და კეთილდღეობის მოტანას შევძლებთ ჩვენი ქვეყნისთვის, - ამის შესახებ „ერთიანი ნაციონალური მოძრაობის“ დეპუტატმა თემურ ჯანაშიამ წალენჯიხაში მოსახლეობასთან შეხვედრისას განაცხადა.

ჯანაშიას თქმით, წალენჯიხა ევროპასთან ყველაზე ახლოსაა.

„წალენჯიხა არის საქართველოს მხარე, რომელიც გეოგრაფიულად ყველაზე ახლოს არის ევროპასთან და არა მარტო გეოგრაფიულად, არამედ თვითონ, თვისობრივად ეს ხალხი ძალიან განსხვავებულია. ეს არის ის ადგილი, სადაც პირველად დაინერგა უფასო კვების პროგრამა, ეს არის ის ხალხი, რომელიც აქეთ გვასწავლის, როგორ შეიძლება იმ 14 მილიარდის დახარჯვა, რომელიც ევროკავშირში გაწევრიანების შემდეგ ინვესტიციების სახით წამოვა. მე ვისურვებდი, რომ ასეთივე განწყობით, შემართებით და ასეთივე სიახლის მოსურნე ხალხი დარჩენილიყოს მთელ საქართველოში. მათთან ერთად ჩვენ გამარჯვებას და კეთილდღეობის მოტანას შევძლებთ ჩვენი ქვეყნისთვის“, - განაცხადა თემურ ჯანაშიამ.