ნერვების ომი ოლიგარქის გუნდში - ამერიკული სანქციების და "ოცნების" რეაქცია
"ოცნების" რეჟიმს ახალი სანქციები უმრავლესობის სხდომაზე წამოეწია. ამ წუთებში შეხვედრაა პარტიის ოფისში და სავარაუდოდ ნერვების დიდი ომიც დაიწყო. ვის მიუვა ახალი შეტყობინება ელექტრონულ ფოსტაზე? ორმაგი სანქციები და თან არჩევნებამდე ცოტა ხნით ადრე ივანიშვილის პარტიისთვის პრაქტიკულად განაჩენია.
ოლიგარქის რეჟიმი იმაზე მეტ პოლიტიკურ ფასს იხდის, ვიდრე მოსალოდნელი იყო. ფაქტია, რომ დასავლეთმა არ დახუჭა თვალი რეპრესიებზე, ადამიანების დევნასა და ფიზიკურ ანგარიშსწორებაზე. ამდენი ხანი "ოცნებაში" დასანქცირებულების კონკრეტულ სახელებს და გვარებს ითხოვდნენ და ის უკვე ცნობილია.
