ქართულ-სომხური მედიაგამოცემა "Aliq Media-ს" დამფუძნებელი, სომეხი ჟურნალისტი საქართველოში არ შემოუშვეს -  არსენ ხარატიანი თბილისი საერთაშორისო აეროპორტიდან განმარტების გარეშე დაადეპორტეს. 

ამ დროისთვის არსებული ინფორმაციით, ჟურნალისტი ახლა სტამბულშია. მისი  გარემოცვა აცხადებს, რომ ქვეყნის არ შემოსვების მიზეზები მათთვის გაურკვეველია. 

საქართველოს შინაგან საქმეთა სამინისტროს განმარტება ამ დრომდე არ გაუკეთბია. 

არსენ ხარატიანს აეროპორტში პოეტი ირაკლი კაკაბაძე უნდა დახვედროდა, რომელიც "პირველებთან" ამბობს, რომ ჟურნალისტი 7 საათზე მეტი ხნის განმავლობაში აეროპორტში იმყოფებოდა. მისივე თქმით, მედიის წარმომადგენელს მობილური ტელეფონიც ჩამორთმეული ჰქონდა. 

პოეტი მომხდარს "სახელმწიფოს სირცხვილს" უწოდებს და ამბობს, რომ ჟურნალისტი ქვეყანაში "ბიძინა ივანიშვილის მოლანდებების გამო" არ შემოუშვეს.