შედგება თუ არა დიდი ალიანსი - გიორგი გახარია და მამუკა ხაზარაძე პრეზიდენტის სასახლეში შეხვედრაზე იმყოფებიან. ისინი შენობაში კომენტარის გარეშე შევიდნენ.

სასახლეში მისვლამდე, კოალიცია "ძლიერი საქართველოსა" და "გახარია საქართველოსთვის" ლიდერები ძველ თბილისში, ერთ-ერთ სასტუმროში ერთმანეთს ერთ საათზე მეტ ხანს ხვდებოდნენ.

შეხვედრიდან გამოსულმა ლიდერებმა მედიასთან კომენტარი არ გააკეთეს. 

უცნობია, შედგა თუ არა ლიდერებს შორის შეთანხმება, თუმცა, ცნობილია ზურაბიშვილის პოზიცია, ის ოპოზიციის ლიდერებს გაერთიანებისკენ მოუწოდებს.