სენატის საგარეო ურთიერთობათა კომიტეტში "ქართველი ხალხის აქტის" განხილვა, სავარაუდოდ, 25 სექტემბერს დაიწყება - ამის შესახებ სოციალურ ქსელში ჟურნალისტი ალექს რაუფოღლუ წყაროზე დაყრდნობით წერს. 

ჟურნალისტის თქმით, აქტის მიღება რამდენიმე კვირაშია მოსალოდნელი.

შეგახსენებთ, რომ "ქართველი ხალხის აქტი" დემოკრატმა სენატორმა ჯინ შაჰინმა და რესპუბლიკელმა ჯიმ რიშმა შეიმუშავეს. სენატორების მიერ შემუშავებული დოკუმენტი ქართველი მაღალჩინოსნების სანქცირებასა და ქართველი ხალხის მხარდაჭერას გულისხმობს.