ქართული სათვისტომო, რომელსაც პრეზიდენტ სალომე ზურაბიშვილის ძმა, ოთარ ზურაბიშვილი ხელმძღვანელობს, ლევილის მამულში დაგეგმილ ღონისძიებაზე არ მიიწვიეს. 

საუბარია ღონისძიებაზე, სადაც 1924 წლის აჯანყებას და დემოკრატიული რესპუბლიკის დამფუძნებელი კრების 11 დახვრეტილ წევრს იხსენებენ.

"რუსული მთავრობა"-  ეს არის პრეზიდენტის ძმის პასუხი. 

პრეზიდენტის ძმა ფიქრობს, რომ ლევილში ივანიშვილის გუნდის წარმომადგენლების ყოფნა იმ ემიგრანტების შეურაცხყოფაა, რომლებიც ლევილში განისვენებენ. 

საფრანგეთში, ლევილის ტერიტორიაზე აღინიშნება პირველად ამ მთავრობის მიერ 1924 წლის ეროვნული აჯანყების მეასე წლისთავი. ქართველთა ისტორიული სათვისტომო, რომელიც სათვისტომო, რომელიც 100 წლის მანძილზე ყოველ წელს, როგორც ამ წელს, აღნიშნავს ამ უაღრესად მნიშვნელოვან და ისტორიულ თარიღს, არ არის მოწვეული.

პრორუსული მთავრობა ლევილის ჩაკეტილი კარების მიღმა ცდილობს, არჩევნებისთვის მოტყუებით მოიზიდოს ხმები, შეიფარდოს აჯანყების უნიკალური სიმბოლო და სცადოს დაარწმუნოს ამომრჩეველი, რომ ვითომ სწორ გზაზე დგას. სიმართლე სულ სხვაა და არავის აღარ სჯერა მთავრობის ეროვნული აღტაცების.

სწორედ 1924 წლის აჯანყება თავისი უკომპრომისო წინააღმდეგობით შეგვახსენებს, რა არის და უნდა იყოს ჩვენი დღევანდელი და სამომავლო ბრძოლა. ძალაუფლება, რომელიც ხვალ გაივლის სასაფლაოზე, არის ის, რომელიც ადანაშაულებს ქართველებს და საქართველოს 2008 წლის ომის დაწყებაში, ეს იქნება მისვენებული პოლიტიკური ემიგრანტების შეურაცხყოფა.

არა ლევილის პრივატიზაციას, არა დამოუკიდებლობის ბრძოლის სიმბოლოების მისაკუთრებას, არა რუსულ მთავრობას!", - ამბობს ოთარ ზურაბიშვილი.