"ერთიანობა ნაციონალური მოძრაობის" პრესსპიკერის, ლევან სანიკიძის განცხადებით, "ქართული ოცნება" საჯარო მოხელეებზე ზეწოლას ახდენს და მათ უკანონო დავალებების შესრულებას აიძულებს.

ოპოზიციონერი პოლიტიკოსი აღნიშნავს, რომ "საჯარო მოხელეები ყველაზე სწრაფად გრძნობენ, თუ როგორია ქვეყნის დაშორება ევროატლანტიკური ინტეგრაციის გზაზე".

ჩვენ კარგად ვხედავთ, მათ შორის, რეგიონების მასშტაბით, როგორ ხდება, პირველ რიგში, საჯარო მოხელეებზე ზეწოლა, რომლებსაც უკანონო დავალებებს ავალებენ. ჩვენს პოლიტიკურ ორგანიზაციას ყველაზე კარგად ესმის, რა არის სახელმწიფო ინსტიტუტები და საჯარო მოხელეთა კლასი. ისიც კარგად გვესმის, რომ ის ნაბიჯები, რასაც "ოცნება" ყოველდღიურად დგას, პირველ რიგში, აისახება საჯარო მოხელეების მიმართ. ისინი ყველაზე სწრაფად გრძნობენ, თუ რა არის ქვეყნის დაშორება ევროატლანტიკური განვითარების გზაზე", - ამბობს ლევან სანიკიძე.