საქართველოს პრეზიდენტი, სალომე ზურაბიშვილი პლატფორმა X-ზე წერს, რომ "პროტესტის მე-9 დღეს თავისუფლებისა და ევროპული მომავლისთვის მებრძოლი ქართველები სასტიკ ტერორს და რეპრესიებს აწყდებიან".

ქვეყნის მთავარსარდალი აღნიშნავს, რომ ადამიანის ფუნდამენტური უფლებების დარღვევა გრძელდება. 

ტერორი საქართველოში: მე-9 დღეს თავისუფლებისა და ევროპული მომავლისთვის მებრძოლი ქართველები სასტიკ ტერორს და რეპრესიებს აწყდებიან. გრძელდება ადამიანის ძირითადი უფლებების უხეში დარღვევა - გატაცებები, ცემა, უკანონო ჩხრეკა და დაპატიმრება", - წერს პრეზიდენტი.

რუსთაველის გამზირზე მშვიდობიანი დემონსტრანტების დარბევა გრძელდება - "ხარებას" რაზმმა წყლის ჭავლი და წიწაკის სპრეი გაუშვეს. 

საპოლიციო ძალებმა მშვიდობიანი მოქალაქეების დაკავებაც დაიწყო. ამ დროის მონაცემებით, "ხარებას" რაზმმა ხელბორკილები ორზე მეტ ადამიანს დაადო და ადგილიდან ძალის გამოყენებით გაიყვანა.