ამ ღამეს რუსული რეჟიმი თბილისში სამსახურს დაუბრუნდა– ამის შესახებ საქართველოს პრეზიდენტმა, სალომე ზურაბიშვილმა სოციალურ ქსელში დაწერა.

ზურაბიშვილის თქმით, პოლიტიკოსებს, მედიას, ხელოვანებს, მოქალაქეებს ქუჩაში დასდევენ და თავს ესხმიან. 

„ტერორი საქართველოში: ამ ღამეს რუსული რეჟიმი თბილისში სამსახურს დაუბრუნდა – დასდევენ ქუჩებში მოქალაქეებს, რომლებიც ტერორს გაურბიან, ესხმიან თავს პოლიტიკოსებს, მედიას, ხელოვანებს… ამტვრევენ ოპოზიციის ოფისების კარებს რეიდების მოსაწყობად და იქ მყოფი პოლიტიკოსებს სასტიკად უსწორდებიან“, – წერს სალომე ზურაბიშვილი.

ცნობისთვის, "ნოდარ მელაძის შაბათის" რეპორტიორებს, ჟურნალისტს მაკა ჩიხლაძეს და ოპერატორს გიორგი შეწირულს ბესიკის ქუჩაზე ტიტუშკები თავს დაესხნენ.

ორივე მათგანი მძიმე დაზიანებებით კლინიკაშია გადაყვანილი.