Human Rights Watch ევროკავშირს მოუწოდებს, გაამკაცრონ ზომები ბიძინა ივანიშვილის ხელისუფლების წინააღმდეგ. გავლენიანი ორგანიზაცია ფიქრობს, რომ ევროკავშირმა და ევროპის საბჭომ უნდა გამოიძიოს ყველა ის ფაქტი, რომელიც საქართველოში ბოლო დღეების განმავლობაში დაფიქსირდა და უნდა მოხდეს დამოუკიდებელი გამოძიება, მათ შორის, გაეროს მხრიდანაც, რათა პასუხისგებაში მიეცეს ყველა ის პირი, ვინც მშვიდობიან მომიტინგეებზე სასტიკ ანგარიშსწორებაშია მხილებული.

საქართველოში სადავო საპარლამენტო არჩევნების შემდეგ შექმნილი პოლიტიკური და კონსტიტუციური კრიზისის, საპროტესტო აქციებზე ადამიანის უფლებათა მდგომარეობის სასტიკი რეაქცია ქვეყანაში კიდევ უფრო გართულების საფრთხეს ქმნის. ევროკავშირმა დაგმო საქართველოს ხელისუფლების რეპრესიული ქმედებები, მაგრამ გადამწყვეტი ნაბიჯების დრო დადგა. ევროკავშირმა უნდა მიაღწიოს ძალადობის დამოუკიდებელ გამოძიებას ევროპის საბჭოს და გაეროს ექსპერტების მიერ, რომლებმაც უნდა შეისწავლონ ძალის უკანონო გამოყენება, თვითნებური დაკავებები და სასტიკი მოპყრობის და წამების მზარდი მტკიცებულებები, - ნათქვამია განცხადებაში.