პოლონეთის მიერ ევროინტეგრაციის კომიტეტის თავმჯდომარისთვის მიწვევის გაუქმებას საქართველოს პრეზიდენტი, სალომე ზურაბიშვილი  მისასალმებელ სიგნალს უწოდებს. 

"ეს არის მკაფიო გადაწყვეტილება და მისასალმებელი სიგნალი… ევროკავშირის ხმა და გადაწყვეტილება ქართველმა ხალხმა უნდა გაიგოს", - წერს პრეზიდენტი X-ზე.

პოლონელმა პოლიტიკოსებმა ევროკავშირის საქმეთა საპარლამენტო კომიტეტების კონფერენციაზე საქართველოს პარლამენტის ევროინტეგრაციის კომიტეტის თავმჯდომარისთვის, ლევან მახაშვილისთვის გაგზავნილი მიწვევა გააუქმეს.

აგნიესკა პომასკა პლატფორმა X-ზე წერს, რომ ტომაშ გროდცკისთან ერთად მიიღო გადაწყვეტილება, ივანიშვილის გუნდის წევრებმა ვარშავაში, 2025 წლის 26-27 იანვარს დაგეგმილ შეხვედრაში მონაწილეობა არ მიიღონ.