ე.წ. არჩევნებს ბოიკოტი აფხაზეთის ავტონომიური რესპუბლიკის უმაღლესი საბჭოს 7-მა დეპუტატმა გამოუცხადა
ე.წ. საპრეზიდენტო არჩევნებს ბოიკოტი აფხაზეთის ავტონომიური რესპუბლიკის უმაღლესი საბჭოს 7-მა დეპუტატმა გამოუცხადა.
ერთპარტიული პარლამენტის მიერ ე.წ. პრეზიდენტად უდიპლომო მიხეილ ყაველაშვილის არჩევაზე უარი შემდეგმა დეპუტატებმა თქვეს:
- ეთერი ასტემიროვა
- ზურაბ ჯგუბურია
- გია (ელგუჯა) გვაზავა
- ნაპოლეონ მესხია
- თემურ მჟავია
- რაისა ქარაია
- ადა მარშანია
ფოტო - რადიო თავისუფლება
"ოცნებამ" პრეზიდენტად უდიპლომო მიხეილ ყაველაშვილი დანიშნა - ყაველაშვილმა ერთ-კანდიდატიან არჩევნებში 225 ხმიდან 224 ხმა მიიღო. გააბათილეს ადა მარშანიას ბიულეტენი, რომელმაც ყაველაშვილს ხმა არ მისცა.
"ქართულმა ოცნებამ" ერთკაციანი არჩევნები დილის 9 საათიდან დაიწყო. პარალელურად, საკანონმდებლო ორგანოსთან აქცია მიმდინარეობს - ადგილზე შეკრებილებმა პროტესტის ნიშნად პარლამენტთან შავი კვამლი გაუშვეს.
ახალი პრეზიდენტი 5 წლის ვადით საარჩევნო კოლეგიამ აირჩია, რომელიც სრულად "ქართული ოცნებისგან" იყო დაკომპლექტებული.
