წელს საახალწლო ღონისძიებებში ,,ქართული  ოცნება''  თითქმის 16  მილიონ ლარს დახარჯავს, კონცერტები 11 მუნიციპალიტეტშია დაგეგმილი. მაშინ  როდესაც ივანიშვილის ხელისუფლებამ ქუჩაში გამოსულ ხალხს რეპრესიები მოუწყო,  დაასისხლიანა და ციხეში გამოკეტა, პარალელურად ღონისძიებები დააორგანიზა. მაგალითად ახალციხეში  საახალწლო ღონისძიებაში  მონაწილეობას მიიღებს ,,ქართული  ოცნების''  მაქებარი  მომღერალი, ნუცა ბუზალაძე, მას 18  000 ლარს გადაუხდიან, 10 000  ლარს უხდიან ზუკა ხუციშვილს, მირზა მოდებაძეს - 8000 ლარი, ხოლო  გიორგი  ნიკოლაძეს 5000  ერგო. 

ახალციხეს არ ჩამორჩება თელავი, აქ ნაძვის ხის ანთების ღონისძიებას ორგანიზებას ,,ქართულ ოცნებასთან'' დაახლოებული რეჟისორი  ბაკურ ბაკურაძის ,,არტ ლაბორატორია''  გაუწევს.  ამაში მას 46 896 ლარს გადაუხდიან, ეს ყველაფერი  არ არის, თელავში  საახალწლო  კონცერტზე იმღერებს მომღერალი  სალომე ბაკურაძე, მას 3252 ლარი ერგო,  დავით მაზანაშვილის ბენდს  -  9800.  30 000  დახარჯავს ხობის მერია ,,ღამის შოუს გიორგი  გაბუნიასთან ერთად'' ბიუჯეტიდან 30 000  ლარი გამოუყვეს. რაც კიდევ ერთხელ  ადასტურებს, რომ  ,,ქართული  ოცნება''  გადასახადების გადამხდელების ფულს მეგობარი მომღერლების დაფინანსებაში ფლანგავს. 

სახელისუფლებო ტელევიზია იმედის სახეს გიორგი  გაბუნიას 30 000  ლარს გადაუხდის ფოთის მერიაც, გამოდის რომ  ორი  მუნიციპალიტეტის ბიუჯეტიდან 60 000 ლარი  მხოლოდ მასზე გამოიყოფა.  ღონისძიება დაგეგმილია ქუთაისშიც მუსიკალურად გაფორმებისთვის ნიკა ნიკვაშვილს 53 000 ლარს ერგო.

"ოცნების" ქება დაუფასდა ჯგუფ  ,,ფორტეს''  მათ ბოლნისის მერია 10  000  ლარს გადაუხდის. პაატა გულიაშვილს კი  7654 ლარი ერგო.  

,,ქართული ოცნება''  ბიუჯეტის ხარჯზე მეგობარი ბიზნესმენების და მომღერლების გამდიდრებას აგრძელებს წელს მხოლოდ საახალწლო ღონისძიებებში  თითქმის 16 მილიონი  დაიხარჯება.  

მილიონები საახალწლო კონცერტებში - ანა მდივანი დეტალებით