პრეზიდენტი: საზმაუ გვაჩვენებს ქვეყნის მატყუარა სურათს
საზმაუ დღეს გამოდის და გვაჩვენებს ქვეყნის მატყუარა სურათს - ამის შესახებ საქართველოს მეხუთე პრეზიდენტმა საგანგებო ბრიფინგზე განაცხადა.
მისი თქმით, "საზოგადოებრივი მაუწყებლის" ყველა გადაცემაში დამახინჯებულ რეალობას აჩვენებენ.
საზმაუ დღეს გამოდის და რეალურად გვაჩვენებს მატყუარა სურათს ქვეყნის - პრაქტიკულად ყველა გადაცემაში შეგვიძლია ვნახოთ, როგორ არის დამახინჯებული რელობა და ეს არის ჩვენი რეალური, დღევანდელი სურათი, რომ არსებობს ის რეალობა, რასაც ჩვენ ვხედავთ, ჩვენ ვიცით, რა დღეშია ქვეყანა, რა უნდა ხალხს და მეორე მხარეს არის ეს, რაღაც ფანტასმაგორული რეალობა, რომელიც არ არსებობს და რომელშიც უნდათ, რომ გვაცხოვრონ; რომელიც მოწყვეტილია საქართველოს მოსახლეობისგან და მოწყვეტილია ასევე გარე თანამეგობრობისგან.
