ხანძარი "ლილოში" - ბოლო ცნობები ადგილიდან
ხანძარი "ლილოში" - საგანგებო სიტუაციების სამსახურის უფროსი ამბობს, რომ ბაზრობის ტერიტორიაზე ხანძარი ლოკალიზებულია და სალიკვიდაციო სამუშაოები მიმდინარეობს.
თემურ მღებრიშვილის განცხადებით, დამწვარია, როგორც სასაწყობო ფართი, ასევე მაღაზიები.
„ამ დროისთვის „ლილოს“ ბაზრობაზე, დაახლოებით, 5 ათასი კვადრატული მეტრია დამწვარი - როგორც სასაწყობო ფართი, ასევე მაღაზიები. 120-ზე მეტი მეხანძრე-მაშველია მობილიზებული, 22 სახანძრო ავტო ცისტერნა. ამ დროისთვის ხანძარი ლოკალიზებულია და საბედნიეროდ არავინ დაშავებულა. მიმდინარეობს სალიკვიდაციო სამუშაოები“, - განაცხადა მღებრიშვილმა.